كل سنه وانتم جميعا بخير ان قولت اقولكم على قائمه باحتياجات شهر رمضان لستة لوازم رمضان بالصور بس الكميات كل واحده فينا تحددها حسب عدد افراد اسرتها انا مجرد هاقول اصناف ونفكر بعض لو نسينا حاجه
مكرونه مقصوصه و اقلام وشعريه ولسان عصفور و اسباجتى
دقيق ونشا و ارز بلدى وبسمتى
أقرأ ايضاً : لوازم رمضان أهم اغراض شهرر رمضان
البقوليات:
عدس اصفر و عدس بجبه فاصوليا بيضاء و لوبيا و فول تدميس ومعاه فول مدشوش علشان السحور
الزيوت والسمن:
زيت قلى وزيت ذره وسمنه طبعا كل واحده حسب استخدامتها
فلفل اسود , كمون,كزبره ناشفه,شطه, بهارات ( للحمه والفراخ) حبهان ملح
اللحوم:
لحمه للخضار, مفروم , بفتيك, كبده , كفته ( برغل او كفته رز او كفته للشوى)
فراخ كامله , وراك , بانيه ( كل بيت وحسب احتياجاته ) كبد و قوانص
سمك تونه (ماكريل ) لعمل تونه بيتى للبيتزا والفطاير نجهزها ونخطها فى التلاجه زى ما عملنا قبل كده
الخضراوات:
بصل , بطاطس , طماطم , فلفل رومى واى اصناف تانى انتى بتحبيها
خل , طحينه
الياميش: طبعا كل واحده حسب المقدره
بلح ناشف للخشاف و علبه تمر طرى
قراصيا , مشمشيه, تين
جوز هند , زبيب , قمر الدين
بندق , لوز .عين جمل , كاجو و ممكن نستبدل التلاته بخلطه تحفه ( زبيب و جوز هند و سودانى مجروش ) وادعولى بلا كاجو بلا ماجو هههههه
المشروبات : اهم حاجه علشان العطش الرهيب
عرقسوس, تمر هندى , كركديه, سوبيا , تانج وكمان عندى فكره تانيه بلاش تانج نخليه عصير برتقال بالجزر افيد واطعم و ممكن اى عصير فواكه من الموجود ه فى السوق او اللى شايلينه فى الفريزر
واخيرا طبعا كل بيت حسب ميزانيته و ظروفه يعنى مش لازم تشترى كل الموجود احتياجاتك المهمه فقط ولو انا نسيت حاجه فكرونى يا احلى ماميز ..... وربنا يجعله شهر مبارك علينا وعلى الامه الاسلاميه